Gitay-og sa usa ka kusog nga magnitude 8.7 nga linog ang sa silangang bahin sa Kamchatka Peninsula sa Russia karong adlawa.
Matud sa US Geological Survey, nga ang linog miigo sa gilawmon nga 19 kilometros ug nahimutang mga 136 kilometros silangan sa syudad sa Petropavlovsk-Kamchatsky.
Tungod sa kakusog sa linog, nagpagawas tsunami advssy ang mga otoridad sa Japan, Alaska, Hawaii, ug pipila ka bahin sa Pacific Islands.
Gilauman sa Japan Meteorological Agency ang posbleng pag-abot sa tsunami waves nga adunay 1 ka metros ang gihabogon nga moigo sa pipila ka mga baybayon sa Japan.
Sa Russia, daghang mga bilding ang naguba, lakip ang usa ka kindergarten, diin luwas nga gibakwit ang mga tao sa wala pa maguba ang mga dingding.
Wala’y gikataho nga namatay, apan nagpadayon ang monitoring alang sa mga aftershocks ug posible nga dugang nga kadaot.
Samtang, mipagawas na ang Hawaii Emergency Management Agency, og tsunami watch isip pagpangandam sa posibleng mga epekto niini sa baybayon.
Ang linog bahin sa kalihokan sa Kuril-Kamchatka Trench, usa ka nailhang subduction zone sa rehiyon.
Adunay mga foreshock ang nabati bag-o ang maong lindol, lakip niini ang usa ka magnitude 7.4 nga pagtay-og niadtong Hulyo 20.
Gipahimangnoan usab ang mga residente sa mga apektadong lugar nga mag-igmat ug mosunod sa opisyal nga mga advisory gikan sa mga otoridad.