Nakasulod na sa Western Conference Finals sa NBA ang San Antonio Spurs. Kini human sa dako nga kadaugan batok sa Minnesota Timberwolves sa iskor nga 139-109.
Nakaabot ang Spurs sa Minnesota nga dala ang 3-2 nga bentaha sa ilang best-of-seven semifinals series, ug wala na gipakyas ang higayon nga tapuson ang serye.
Nag-una sa maong kadaugan sa Spurs si Stephon Castle nga nibubo og 32 puntos ug 11 ka rebounds.
Mitabang usab si De’Aaron Fox nga mitala og 21 puntos, samtang laing 19 puntos ang giambag sa batan-ong bituon nga si Victor Wembanyama.
Ang maong kalampusan mao ang unang higayon nga nakabalik ang Spurs sa Conference Finals sukad niadtong tuig 2017.
Tungod niini, sunod nga makaatbang sa Spurs ang defending champion nga Oklahoma City Thunder (OKC) alang sa Western Conference Finals.
Sa mga pangsangka sa regular season, nagkupot og bentaha ang Spurs batok sa OKC nga adunay upat ka daog ug usa lang ka pildi.