Giuyog sa usa ka magnitude 5.2 nga linog ang rehiyon sa Guangxi Zhuang Autonomous Region sa habagatang bahin sa China, diin natala ang pagkahugno sa pipila ka mga estruktura ug dinaliyang pagbakwit sa liboan ka mga residente.
Matud sa China Earthquake Networks Center (CENC), natala ang epicenter sa maong linog sa Liunan District sa dakbayan sa Liuzhou, nga adunay gilawmon nga 8 ka kilometro. Tungod sa kakusog sa pagtay-og, daling nagmando ang gobyerno sa pagpaaktibo sa emergency response system ug pagpadala og mga rescue teams aron pagsusi sa gidak-on sa kadaot ug pagtabang sa mga apektadong residente.
Nanalipod usab ang mga lokal nga awtoridad sa kaluwasan sa publiko pinaagi sa pag-monitor sa mga posibleng aftershocks ug pagsusi sa mga nangagubang dapit aron masiguro nga luwas ang tibuok komunidad.