Kampo ni VP Sara Duterte motuman sa writ of summons sa Senado nga impeachment court

Motuman ang kampo ni Bise Presidente Sara Duterte sa writ of summons nga ipagawas sa Senado nga nagserbisyo isip impeachment court.

Sumala kang Atty. Michael Poa, legal counsel ug tigpamaba sa bise presidente, motubag sila sa proseso nga gitakda sa Senate impeachment court.

Matud niini nga magpasaka sila og igo ug hustong tubag subay sa Konstitusyon.

Gipasiugda usab sa kampo ni Duterte nga ilang girespeto ang kasamtangang proseso ug wala na sila mipalawom pa og dugang komento kabahin niini.