Magkaatbang ang Cleveland Cavaliers ug Detroit Pistons sa usa ka kulbahinam nga “all-or-nothing” Game 7 sa Eastern Conference semifinals, diin ang modaog maoy mosunod nga makasaka sa East Finals aron makatigi ang New York Knicks.
Napugos ang deciding game human gipildi sa Pistons ang Cavaliers sa Game 6 sa iskor nga 115-94 didto mismo sa home court sa Cleveland. Parehong adunay nindot nga track record ang duha ka koponan sa kasaysayan sa Game 7—ang Pistons wala pa mailogag daog sukad niadtong 1990, samtang ang Cavaliers wala pa sab makatilaw og pildi sa Game 7 sukad niadtong 2016.
Giangkon ni Cavaliers head coach Kenny Atkinson nga usa ka lisod nga dula ang ilang sagubangon apan masaligon siya sa iyang team, samtang si James Harden nagkanayon nga kinahanglan silang magmabinantayon ug magpabiling disiplinado. Sa pikas bahin, dako sab ang kumpansya ni Pistons star guard Cade Cunningham ug gidayeg ni coach J.B. Bickerstaff ang kalig-on sa iyang mga magdudula ubos sa grabe nga presyur.