Tingkagol sa selda ang usa ka 25-anyos nga drug personality human nadakpan sa gikasang buy-bust operation didto sa Purok 1, Barangay San Carlos, siyudad sa Valencia. Base sa report sa Bukidnon Police Provincial Office, giila ang suspek sa alyas nga “Ryan” kinsa nasikop sa mga operatiba sa Valencia City Police Station ug uban pang anti-drug units.
Narekober gikan sa dinakpan ang upat ka sachet sa gituohang shabu nga motimbang og 5.3 gramos ug adunay standard drug price nga kapin sa 36 ka libo ka pesos. Gawas sa droga, nakuha usab sa iyang posisyon ang buy-bust money, cellphone, ug usa ka metal nga sudlanan.
Sa kasamtangan, ang suspek ug ang mga ebidensya anaa na sa kustodiya sa Valencia City PNP alang sa laboratory examination, samtang giandam na ang kasong paglapas sa Republic Act 9165 o Comprehensive Dangerous Drugs Act of 2002 batok kaniya.