Pormal nang gihatagan og pasidungog ug pagkilala sa Kamara de Representantes ang sikat nga Pinoy pop group nga BINI human sila nakahimo og kasaysayan sa kalibutan sa musika.
Gihimo ang maong pag-ila human nahimong kauna-unahang Filipino pop group ang BINI nga nakatambong ug nakatandog sa entablado sa bantog nga Coachella Valley Music and Arts Festival didto sa Amerika. Subay niini, nagkahiusa ang mga magbabalaod sa pag-ingon nga dako kini nga garbo alang sa industriya sa Original Pilipino Music (OPM).
Gawas sa Kamara, nauna na usab nga giila sa Senado ang maong grupo, diin gikatakda pa silang mag-uban sa pagpasundayag sa usa ka dako nga music festival didto sa nasod sa Japan ug bag-o lang sab silang nakadawat og Global Force Award gikan sa Billboard Women in Music.