Dinalian nga pagpatuman sa proseso ang panawagan ni Most Rev. Noel Pedregosa, ang Obispo sa Diyosesis sa Malaybalay, kalabot sa gikatilang pag-convene sa Senado karong adlawa alang sa impeachment trial ni Bise Presidente Sara Duterte. Gitawag sa Obispo ang maong trial nga usa ka “moment of grace” o panahon sa grasya gikan sa Kahitas-an nga dili lamang usa ka legal nga proseso, kondili usa usab ka higayon sa pagpanalangin alang sa nasud.
Matud ni Bishop Pedregosa, ang maong lakang magsilbing pamaagi alang sa dungan nga pagsusi sa kaugalingon sa tibuok komunidad sa mga Pilipino aron masuta ang kamatuoran. Gipadepensahan usab sa Obispo ang iyang tibuok nga pagsuporta sa opisyal nga pamahayag sa Catholic Bishops’ Conference of the Philippines (CBCP) isip usa ka miyembro niini.
Nagpabilin nga positibo ang lider sa simbahan nga pinaagi sa maong trial, mapromote ang accountability, transparency, ug honesty sa panggamhanan aron mapatigbabaw ang kaayohan sa kadaghanan ug ang hustisya sa tibuok nasud.