Walay pagduha-duha nga gibaharan ni US President Donald Trump ang Iran nga andam manginlabot ang nasud sa Amerika kung adunay mamatay nga otoridaad atol sa gipahigayong malinawong protestang kalihukan.
Wala kini uyuni ni Iranian Supreme Leader Ayatollah Ali Khamenei nga mipahimangno kang Trump nga posibleng mosanagpot ang dakong kagubot sa tibuok Middle East kung manghilabot ang Estados Unidos.
Sa pagkakaron, mosaka na sa walo ang namatay sulod sa hapit usa ka semana halapad nga mga protesta nga gihimo sa katawhan sa Iran tungod sa nagkagrabeng kahimtang sa ekonomiya, lakip ang pagkunhod sa bili sa Iran rial batok sa US dollar.
Kainumdoman nga niadtong Hunyo, nagmugana ang US og airstrike batok sa mga nuclear site sa Iran subay sa direktang sugo ni Trump, ug isip balos, giatake usab sa Iran ang mga base militar sa US nga nahimutang sa Qatar.