Nakuha sa Los Angeles Lakers ang usa ka kulba-hinam nga kadaugan batok sa Houston Rockets, 112-108, pinaagi sa usa ka overtime sa Game 3 sa ilang playoff series. Tungod niini, nagkupot na karon ang Lakers og 3-0 nga bintaha ug usa na lang ka dula ang gikinahanglan aron hingpit nga mapapha ang Rockets.
Gipangulohan ni LeBron James ang kadaugan pinaagi sa iyang 29 puntos ug 13 ka rebounds, lakip na ang krusyal nga three-pointer sa himatyon nga segundos sa regulation period nga maoy nagdala sa dula ngadto sa overtime. Nakakuha usab siya og dakong tabang gikan ni Marcus Smart nga nitali og 21 puntos, diin walo niini iyang gipugnit sa extra period, ug Rui Hachimura nga nidugang og 22 puntos.
Sa bahin sa Rockets, wala makadula ang ilang star player nga si Kevin Durant tungod sa injury sa tiil. Bisan pa man niini, naningkamot si Alperen Sengun nga nitali og 33 puntos ug 16 rebounds, apan nakulangan gihapon sila sa lahutay batok sa Lakers. Gikatakda ang Game 4 karong Dominggo diin tinguha sa Lakers nga humanon na ang serye.