- Advertisement -
Gikuptan na sa Oklahoma City Thunder ang 2-0 lead sa serye human nila gipukan ang Phoenix Suns sa ikaduhang sunod-sunod nga higayon.
Nagmando ang defending NBA champion sa tibuok duwa diin nakamugna sila og 23-puntos nga labaw paghuman sa ikatulo nga quarter.
Bisag misulay og gukod ang Phoenix sa katapusang bahin sa regulation, wala na nila maapas ang Thunder.
- Advertisement -
Nangulo sa kadaogan si Shai Gilgeous-Alexander nga nimugna og 37 points, inabagan sa tig-19 puntos nila ni Jalen Williams ug Chet Holmgren.
Sa habig sa Suns, wala magmalampuson ang hiniusang 72 points nila ni Dillon Brooks, Jalen Green, ug Devin Booker tungod sa kakuwang og suporta gikan sa ubang mga magduduwa.
Gikatakdang ipahigayon ang Game 3 didto na sa balwarte sa Phoenix.
- Advertisement -