Malampusong nasikop sa mga otoridad ang usa ka lalaki nga gikonsiderarang Top 9 Most Wanted Person sa lebel sa probinsya ug dakbayan sa Malaybalay niadtong Abril 28, 2026.
Giila ang dinakpan nga si Rey Aligarbes Salga, 48-anyos, kinsa residente sa Barangay Sumpong sa maong siyudad. Nadakpan ang suspek pinaagi sa usa ka “joint police operation” nga gipangulohan sa Malaybalay City Police Station base sa Warrant of Arrest alang sa paglapas sa Republic Act 9165 o Comprehensive Dangerous Drugs Act of 2002.
Nasayran nga ang maong warrant gi-isyu niadtong Marso 29, 2026, diin walay gitakdang piyansa alang sa temporaryong kagawasan sa suspek tungod sa ginasilbi niini nga sentensya (service of sentence).
Sa pagkakaron, anaa na sa kustodiya sa Malaybalay CPS ang dinakpan alang sa hustong dokumentasyon ug disposisyon sa korte.