Subling gipamatud-an ni King Charles III ang alyansa sa United Kingdom ug Estados Unidos nga iyang gihulagway nga “mas importante tandi kaniadto”.
Sumala sa Hari sa UK, walay usa ka nasud ang makahimo sa pag-atubang nga mag-inusara sa mga suliran sa kalibutan. Gipadayag niini ang “highest regard and friendship” sa U.K. alang sa U.S. ug gihinumdoman ang makasaysayanhong pamahayag sa inahan nga si Queen Elizabeth II niadtong 1991.
Ang maong address ni King Charles III nakasentro sa British humor, kasaysayan, ug mga panan-aw sa umaabot nga mga problema, nga giubanan og palakpak ug standing ovation gikan sa mga mambabalaod.
Sa pagtapos sa iyang diskurso, gilibkas niini ang mga pulong sa Amerika adunay kabug-aton ug kahulogan,nga naghatag og nagkalain-laing reaksyon gikan sa mga nanambong.
Sa wala pa ang talumpati, nakigtagbo ang Hari kang U.S. President Donald Trump sa Oval Office human ang pag-abot sa royal couple sa White House alang sa ilang state visit.
Mainitong gidawat si King Charles ug Queen Camilla sa usa ka seremonya diin nakit-an ang paglamano ug pagpahiyomay sa mga opisyal sa duha ka nasud.