Nasikop sa hiniusang pwersa sa kapulisan ang usa ka lalaki nga giilang Top 8 Most Wanted Person sa City Level kagahapong adlawa, Abril 28, 2026, takna alas 3:10 sa hapon sa Sitio Palapao, Panganan, Kitaotao, Bukidnon.
Ang operasyon gipangunahan sa Kitaotao MPS Tracker Team ubos ni PMAJ. Jose Regner M. Sevilleno, uban ang koordinasyon sa Valencia City Police Station, 2nd PMFC BUKPPO, 1003rd Mobile Force Company, Regional Detective Team, ug BUK PIU.
Ang dinakpan usa ka 21-anyos nga ulitawo ug lumulupyo sa maong dapit nga nagtrabaho isip usa ka laborer.
Gidakop ang suspek base sa warrant of arrest alang sa kasong Violation of Statutory Rape o (Art. 266-A No. 1 kalambigit sa 266-B).
Sa pagkakaron, ang dinakpan anaa na sa kustodiya sa Kitaotao Municipal Police Station alang sa tukmang disposisyon sa kaso.