Gisaway sa Russia ang plano sa European Union nga ipahulam ang mga frozen asset sa Moscow sa Ukraine.
Mokabat sa 210 bilyones nga Euros o kapin sa P15 trilyon ang kantidad sa maong kwarta.
Kadaghanan sa kwarta anaa sa bangko sa Belgian nga Euroclear diin gamiton kini alang sa military upgrade sa Ukraine.
Human sa halos upat ka tuig nga gubat, gikaingong ang Ukraine nahutdan na og kwarta, hinungdan nga nagkinahanglan kini og mga 135 bilyones nga euros o kapin sa P9 trilyon sa mosunod nga duha ka tuig.
Tungod niini, giakusahan sa Russia ang European Union sa pagpangawat.
Samtang ang Russian Central Bank nagplano nga kasohan ang Belgian bank Euroclear tungod sa maong plano.
Kahinumdoman nga ang EU ug Ukraine nagkauyon nga gamiton ang kwarta sa subling pagtukod sa mga bilding nga naguba tungod sa halapad nga pag-atake sa Russia.