Ang mga pakwan o watermelomn kanunay nga lisod itanom sa nataran tungod sa taas nga pagkatay ug kadako sa bunga niini, apan adunay mag-inahan nga nakakita og solusyon.
Pinaagi sa non-GMO chemical mutation nga pamaagi, napagamay niini ang watermelon hangtod sama nalang kadako sa itlog sa manok, nga wala’y pagka-usab sa katam-is niini.
Sumala pa sa nagpatubo nga si Delaney Raptis nga nagpabilin ang katam-is sa bunga, kapula og klase sa unod niini bisan og sama nalang kini kadako sa itlog sa manok.
Nagsugod ang high school researcher nga si Delaney Raptis ug ang iyang inahan sa ilang talagsaong breeding program niadtong 2021, nga adunay katuyoan nga makapagamay sa bunga sa watermelon aron sayon ra kining dalhon og padak-on.
Human sa pipila ka henerasyon, ilang napagamay ang maong klase sa prutas gikan sa daghang kilo ngadto sa mga 80 hangtod 200 gramos.
Ang tumong sa maong breeding program mao ang paghimo niini nga angay sa high-density greenhouse systems ug vertical farms, diin prayoridad ang pag-maximize sa output kada square meter.