Gikumpirma ni Batangas Representative Leandro Leviste nga gigunitan na niini ang mga files nga naglangkob sa lista sa mga proponent sa bilyon-bilyong budget insertions sa Department of Public Works and Highways (DPWH) sa tibuok nasud.
Gipakita na usab matud pa niini ang mga dokumento sa Independent Commission for Infrastructure (ICI) ug sa Office of the Ombudsman niadtong Nobyembre.
Matud niini, mas maayo nga ang DPWH mismo ang mubutyag niini sa maong mga files ngadto sa publiko aron dili makompromiso ang iyang trabaho sa Kongreso.
Gipaambit usab sa mambabalaod nga nahilakip ang pangalan sa iyang inahan nga representative Loren Legarda, apan gihimakak niini nga nakaistorya niini si Cabral sa dihang gipangutana kung giunsa pagsulod sa budget insertions.
Kinumduman nga si Cabral una nang giila nga usa mahinungdanong personalidad sa pagplano ug alokasyon sa pondo sa DPWH, partikular sa mga flood control projects, bag-o kini mikanaog sa pwesto niadtong Setyembre 16 human malambagit sa kontrobersiya ug sa wala pa makabsan sa hinanaling kinabuhi.
Dugang pa ni Rep. Leviste nga sa mambabalaod nga dili lamang mga Kongresista ug Senador ang naa sa listahan, apan lakip usab ang dagkong mga opisyal sa ehekutibo ug pipila ka pribadong indibidwal nga wala hinginli.