VP Sara Duterte nag-ampo alang sa kaluwasan sa OFWs sa Middle East atol sa Semana Santa

Gipasidunggan ug giampo ni Vice President Sara Duterte ang kaluwasan sa mga Overseas Filipino Workers (OFWs) nga naipit sa tensyon sa Middle East, kauban sa paghinumdom sa nasud sa Semana Santa.

Sa mensahe niini kagahapong adlawa Lunes, Marso 30, gisentro ni Duterte ang mensahe  niini sa Kwaresma sa sitwasyon  sa mga Pilipinong nanginabuhi sa gawas sa nasud.

Sumala pa sa Bise Presidente, ang mga OFWs usa ka buhi nga ehemplo sa tinuod nga sakripisyo, og giampo ang kalinaw sa rehiyon nga nagpadayon sa pag-antos sa kagubot.

Gipahinumdoman usab ni VP Sara nga ang Kwaresma usa ka balaan nga panahon alang sa mga Pilipino nga panahon kini sa pagpamalandong sa sakripisyo sa Dios ug sa pagpadayag sa pag-alagad sa isigkatawo.