Miatras si two-time world champion ug Cebuana billiards star Rubilen Amit sa umaabot nga 2025 World Pool Championships nga ipahigayon sa Jeddah, Saudi Arabia.
Gikumpirma mismo ni Amit sa iyang social media account ang desisyon nga dili kini makapartisipar sa maong torneo nga magsugod karong Hulyo 21.
Matod ni Amit, adunay siya’y problema sa panglawas nga hinungdan sa iyang pag-atras.
Lisod man ang maong desisyon, apan iyang gisunod ang tambag sa iyang doktor alang sa kaayohan sa iyang kahimtang.
Matod ni Amit , nga importante nga ampingan ang panglawas aron andam pa ko sa mas daghang umaabot nga mga kompetisyon.
Sa pikas bahin, magpadayon sa pagpangulo sa Pilipinas sa torneo, sila Johann Chua, Carlo Biado, Patric Gonzales, AJ Manas, Jefrey Roda, Bernie Regalario, ug James Aranas.