Gipasalig sa Bukidnon Provincial Detention and Rehabilitation Center (PDRC) ang hingpit nga pagdumala sa detention facility nga dili lamang seguridad kondili lakip ang dignidad, katungod ug kaayohan sa mga Persons Deprived of Liberty (PDL) ang ilang nag-unang prayoridad.
Gipadayag ni Nelson A. Balaba, warden sa PDRC Bukidnon nga padayon ang pagpatuman sa hugot nga mga protocol aron mapadayon ang kalinaw ug kahapsay sulod sa pasilidad, lakip ang regular nga inspeksyon, kanunay nga pag-ihap sa mga PDL ug pagmonitor sa mga personnel.
Gihatagan usab og pagtagad ang panglawas ug panginahanglan sa mga PDL pinaagi sa pagsiguro sa hustong sanitasyon, limpyo ug igong suplay sa tubig, maayong pagkaon ug regular nga pagmonitor sa ilang kahimtang sa panglawas, ug sa koordinasyon sa mga may kalabotang ahensya sa gobyerno.