Bea Millan Windorski, gipasilip ang sinina nga adunay desinyon sa tradisyonal nga T’nalak

Gipasilip ni Miss Universe Philippines 2026 Bea Millan Windorski ang iyang suoton nga gown nga nagpakita sa tradisyonal nga T’nalak textile nga gihimo pag-usab pinaagi sa disenyo sa bantugang Filipino fashion designer nga si Rajo Laurel.

Gisul-ob ni Windorski ang usa ka archival creation ni Laurel nga gibase sa tradisyonal nga T’nalak, usa ka hinabol nga panapton nga nagpakita sa kultura ug kabilin sa mga T’boli sa South Cotabato.

Pinaagi sa maong disenyo, gihiusa ang tradisyonal nga lumadnong arte ug modernong fashion nga siguradong makakuha og atensyon sa mga mananan-aw.