Naangol ang usa ka 45-anyos nga lalaki human kalit nga gitigbas sa 34-anyos nga suspek samtang naglakaw sa Purok 6, Barangay Kulasihan, Lantapan, Bukidnon, pasado alas 6:00 sa gabii, Oktubre 25, 2026.
Sumala sa imbestigasyon sa otoridad, kalit nga gitigbas sa suspek ang biktima gikan sa luyo, hinungdan nga naangol ang tuong kamot niini.
Human sa insidente, daling mikalagiw ang suspek samtang gidala sa Lantapan MDRRMC rescue team ang biktima ngadto sa Bukidnon Provincial Medical Center (BPMC) aron matambalan.
Gituohang nag-ugat sa wala pagkasinabtanay ang insidente, apan wala pa gihatag sa kapulisan ang dugang detalye bahin sa hinungdan niini.
Samtang, nagpadayon ang hot pursuit operation sa Lantapan Municipal Police Station aron madakpan ang suspek.