Komedyanteng si Ate Gay, pormal nang gilubong sa Laguna

Gihatod na sa iyang kataposang pahulayan ang komedyanteng si Gil Aducal Morales o mas nailhan nga si Ate Gay sa Forest Lake Memorial Parks sa Biñan, Laguna.

Gipaambit sa iyang pamilya sa social media ang hulagway sa iyang lubnganan human siya namatay niadtong Nobyembre 1 tungod sa stroke. Una nang nakigbisog ang komedyante batok sa Stage 4 cancer ug nagpahigayon pa og Living Funeral sa wala pa siya maospital.

Gihinumdoman si Ate Gay tungod sa iyang talento sa pagpakatawa nga nakahatag og kalipay sa daghang Pilipino pinaagi sa mga comedy bar ug pelikula.