Gipaspasan ug gipalapdan pa sa Sangguniang Panlungsod sa Malaybalay City ang gihimong pagsusi bahin sa giingong 10% nga kickback nga gikalambigitan sa pipila ka opisyal sa barangay ug mga kontratista.
Tungod niini, gisusi karon sa hingpit ang mga kontrata sa nagkalain-laing proyekto sa barangay.
Sumala ni Konsehal Jason Chad Ayala, nga maoy nangulo sa Committee on Quasi-Judicial, nakighinabi na sila sa bahin sa Rysha Construction ug aduna pa silay nakatakdang mga panagtagbo aron hilom mahusay ug masusi ang tanang kontrata niini sa mga barangay.
Lakip niini pagpapalig-on sa pakigtambayayong sa monitoring team gikan sa opisina sa Mayor aron makakuha og kompletong listahan sa mga kontratista ug sa ilang mga gipahigayong proyekto.
Nagpahigayon na usab ug mga hearing ang quasi-judicial committee aron dunggon ang matag bahin ug sigurohon nga walay pabor-pabor sa gipahigayong pagtuki sa maong isyu.
Gitakda ni konsehal Ayala nga magpabilin silang patas sa tibuok proseso ug hatagan og lig-ong higayon ang tanang gipanangil nga makapanalipod sa ilang kaugalingon kauban ang ilang mga legal counsel.
Nagdumili una si Ayala sa pagngalan og bisan kinsang kapitan o indibidwal samtang wala pa mahuman ang imbestigasyon ug samtang wala pa mapamatud-an ang ilang sala pinaagi sa sakto nga proseso.
Giawhag usab niya ang katawhan ug ang mga adunay kasayuran nga mohatag ug mosumite og dugang nga ebidensya direkta sa komite aron makab-ot ang tinuod nga hustisya.