Nakit-ang patay ang usa ka 81-anyos nga lalaki sulod sa kusina sa ilang ancestral house sa Purok 4, Merangeran, Quezon, Bukidnon, alas 9:00 sa buntag, Oktubre 26, 2026, diin anaa na sa kahimtang sa pagkadunot ang iyang lawas.
Base sa report sa Quezon Municipal Police Station, nadiskobrehan sa anak sa biktima ang iyang patayng lawas human wala kini makagawas sama sa naandan matag Domingo aron mopalit og pagkaon ug ubang panginahanglan.
Matud sa imbestigasyon, nagpuyo nga nag-inusara ang biktima sa hilit nga kabukiran bisan gitambagan na sa iyang pamilya nga mopuyo uban sa anak aron maatiman tungod sa iyang panginahanglan sa tabang ug pag-atiman.
Samtang, sumala sa attending physician sa Quezon Health Infirmary Hospital, natural nga hinungdan ang gikamatyan sa tigulang. Nagpadayon ang kapulisan sa dokumentasyon ug dugang imbestigasyon kalabot sa insidente.