- Advertisement -
Gipasidan-an sa aktres ug television host nga si Kim Chiu ang mga indibidwal nga nagpakalat og bakak nga balita ug malisyosong hungihong batok kaniya nga dili siya magduha-duha sa pagsang-at og kaso aron mapanalipdan ang iyang pribadong kinabuhi.
Gipadayag ni Chiu nga gisusi na sa iyang legal team ang tukmang legal nga lakang batok sa mga responsable, ilabina sa mga naggamit sa social media aron mangdaot ug makakwarta pinaagi sa monetization.
Dugang pa sa aktres, mas bililhon ang integridad kaysa kwarta, hinungdan nga iyang gipahinumdoman ang publiko nga adunay kaakohan ang matag gipatik nga opinyon ug angayng tahuron ang pribadong kinabuhi sa uban.
- Advertisement -