Mga huwes sa ICC pagadesisyonan ang hangyo ni Duterte nga dili na motambong sa hearing

Gipasabot sa International Criminal Court (ICC) nga desisyon pa sa ilang mga huwes kung tugutan ba ang hangyo sa kanhing Pangulong Rodrigo Duterte nga dili motambong personal sa confirmation of charges hearings sa sunod semana.

Sumala sa ICC, usa ra kini ka hangyo gikan sa depensa ug ang mga huwes sa ICC lamang ang magbuot kung kini pagatugotan.

Kini nga pahayag gisunod human magsulat si Duterte og waiver diin giingon niini nga dili na siya motambong sa pagdungog gikan Pebrero 23 hangtod 27.

Gikasohan sa ICC Prosecutor ang kanhing pangulo sa 49 ka insidente sa murder ug attempted murder samtang nagpatuman sa anti-drugs operations.