Naghangyo ang kampo ni kanhi Presidente Rodrigo Duterte sa ICC Pre-Trial Chamber I nga tugotan ang ilang apila batok sa desisyon sa korte nga nagbasura sa ilang hangyo nga ihunong una (indefinite adjournment) ang pre-trial proceedings sa iyang kaso sa drug war.
Sa usa ka 19-panid nga dokumento niadtong Pebrero 2, gihangyo sa mga abogado ni Duterte nga balit-aron ang desisyon sa korte nga wala nihatag og higayon alang sa usa ka evidentiary hearing.
Kahinumduman nga niadtong Enero, nidesisyon ang Chamber nga lig-on pa ang panglawas sa kanhi presidente aron moatubang sa dula, hinungdan nga gibasura ang ilang hangyo nga ihunong ang proseso.
Apan namugos ang depensa ni Duterte nga napakyas ang korte sa pagpasabot kon ngano nga giingon nilang himsog ang kanhi presidente. Matod pa nila, wala usab gikonsiderar sa korte ang epekto sa panglawas ni Duterte sa iyang abilidad sa pag-apil sa mga pagdungog.