Nabahin ang reaksyon sa publiko ug mga senador human sa pagbotar sa plenaryo kagahapong adlawa kabahin sa impeachment complaint batok kang Bise Presidente Sara Duterte.
Naaprubahan ang mosyon nga i-archive ang maong reklamo, diin 19 ka senador ang mitugot, 4 ang mikontra, ug 1 ang nibotar og abstain.
Sa pakighinabi sa Bombo Radyo Malaybalay kang Atty. Micah Stefan Dagaerag, usa ka law professor sa Bukidnon State University, wala kini dakong epekto sa reputasyon ug popularidad sa bise Presidente.
Bisan pa man sa temporaryong pagkunhod sa iyang trust rating, giklaro sa abogado nga gamay ra matud pa ang epekto niini.
Gibutyag ni Atty. Dagaerag, nga nakita sa mga kritiko ni VP Duterte ang iyang kakusog nga suporta sa masa, hinungdan nga naningkamot kini nga mangita og lain nga legal nga pamaagi sama sa pag-file sa impeachment complaint.
Apan, dugang sa abogado, nga kinahanglan una hulatan ang Motion for Reconsideration (MR) aron dili madoble ang problema sa mga dili uyon sa bise Presidente adisir subling mupasa og lahing impeachment complaint kung pinal na ang desisyon sa Korte Suprema