Iran nagpadala og sugyot sa US aron tapuson ang giyera samtang si Trump supak sa maong plano

Niabot na sa kagamhanan sa Estados Unidos ang sugyot gikan sa Iran nga nagtumong sa pagtapos sa nagpadayong kagubot ug ang pagwagtang sa mga economic sanctions nga gipahamtang batok kanila. Sa maong proposal, tanyag sa Iran ang mas hugot nga kooperasyon basta hatagan sila og kagawasan sa komersiyo ug ekonomiya.

Apan, wala kini dawata ni Presidente Donald Trump kinsa nipahayag sa iyang pagsupak sa maong lakang. Matod ni Trump, dili angay saligan ang Iran ug ang maong sugyot usa lamang ka paagi aron makalingkawas sila sa pressure sa kalibutan nga walay tinuod nga kausaban sa ilang polisiya. Nagpabilin nga tensyonado ang sitwasyon samtang nagpadayon ang debate kon angay ba nga makig-estorya ang US sa maong nasod.