Anaa na karon sa kustodiya sa City Social Welfare and Development Office (CSWDO) ang usa ka menor de edad human niini gidunggab ang usa ka 18-anyos nga dalaga sulod mismo sa panimalay niini sa Sitio Buyog, Barangay Banlag, Valencia City Bukidnon.
Matod pa sa Valencia City Police Station, nahitabo ang insidente niadtong gabii sa Mayo 9 diin kalit nga misulod ang suspek sa kwarto sa biktima ug balik-balik kining gidunggab gamit ang hait nga hinagiban samtang ang dalaga tulog.
Bisan pa man sa mga samad sa nagkalain-laing bahin sa lawas, nakapangayo pa og tabang ang biktima nga maoy niduso sa pag-ikyas sa suspek. Nasayran nga boluntaryong gitahan sa iyang kaugalingong mga ginikanan ang suspek ngadto sa mga otoridad sa barangay niadtong Mayo 10 sa wala pa kini gitugyan sa kapulisan.
Sa pagkakaron, luwas na ang kahimtang sa biktima samtang giproseso na ang gikinahanglang interbensyon alang sa suspek subay sa balaod alang sa mga kabataang nakasupak sa balaod.