Mihakot og dakong atensyon online ang bangi sa social media tali sa aktres ug businesswoman nga si Dani Barretto ug komedyante nga si Dennis Padilla human sa guest appearance niini.
Sa maong podcast, gihisgutan ni Dani ang ilang mga kasinatian sa pagkabata, lakip ang giingong kasaba ug tensyon sa ilang panimalay kaniadto, bisan wala niya hinganli ang tawo nga iyang gipasabot.
Human ma-post sa social media ang clip sa interview, mipatik si Dennis ug mensahe nga daw nagtumong kang Dani ug miingon nga gusto niyang tubagon “point by point” ang iyang mga pamahayag.
Sumala niini nga katunga lang matud ang nahibal-an ni Dani sa ilang mga nangagi. Bisan pa man nga napapas na ang maong mga komento, dali kining na-screenshot sa pipila ka netizens ug mikaylap sa social media.
Sa tubag ni Dani, sigon niini nga daw nakalimot si Dennis nga nagpuyo sila kaniadto sa usa ka balay.
Matud niya, klaro pa sa iyang panumduman nga mamata sila matag buntag tungod sa kasaba ni Dennis. Kung dili ang ilang inahan ang kasab-an, matud pa niya, ang ilang mga katabang usab.
Dugang pa ni Dani, adunay mga higayon nga motawag si Dennis sa iyang mga anak sa dili angay nga oras ug usahay mosangpot pa kini sa tensiyon ug panaglalis.Naghatag kini og nagkalainlaing reaksyon gikan sa netizens.
Sa pagkakaron, napapas na usab ang komento ni Dani ug wala pa’y opisyal nga tubag si Dennis Padilla sa bag-ong mga pamahayag.