Knicks sulod na sa Eastern Conference finals human gisilhig ang 76ers

Sulod na sa Eastern Conference finals ang New York Knicks human nila gipildi ang Philadelphia 76ers pinaagi sa score nga 144-114, niadtong Domingo.

Gihingpit sa Knicks ang ilang 4-0 sweep sa serye human sila nipabuhagay og record-tying nga 25 ka three-pointers sulod mismo sa balwarte sa 76ers.Nanguna sa maong kadaugan si Miles McBride nga nitala og 25 puntos, lakip na ang pito ka tres, samtang nidugang si Jalen Brunson og 22 puntos.

Tungod niini, nakabalik ang Knicks sa conference finals sa ikaduhang sunod-sunod nga tuig diin ilang paaboton ang modaog sa serye tali sa Detroit Pistons ug Cleveland Cavaliers.