HVI Top 1 sa Rehiyon nadakpan sa drug buy-bust sa Kalilangan, Bukidnon

Nadakpan sa mga otoridad ang usa ka High Value Individual (HVI) Top 1 sa Regional Level atol sa usa ka drug buy-bust operation nga gihimo sa Barangay Lampanusan, Kalilangan, Bukidnon.

Giila sa alyas “Larry,” 33 anyos, lalaki, gikonsiderar isip usa sa pinakasentro nga target sa rehiyon sa illegal nga droga.

Atol sa operasyon, nasakmit sa suspek ang kapin 50.54 gramos sa gituohang shabu nga adunay gibanabanang nagkantidad nga Php343,672.00, lakip ang buy-bust money,ug pipila ka gamit.

Gidala ang suspek ug tanang ebidensya sa Kalilangan Municipal Police Station alang sa hustong disposisyon.