Giila sa Department of Agriculture (DA) nga adunay seryosong hulga sa suplay sa humay sa nasud kon dili mahatagan og dinaliang interbensyon ang mga mag-uuma.
Atol sa usa ka Senate hearing, gibutyag ni Usec. Asis Perez nga ang pagsaka sa presyo sa fertilizer ug uban pang input sa produksyon adunay direktang epekto sa pagkunhod sa ani.
Gipasabot pa sa ahensya nga ang mga pananom karong Mayo ug Hunyo ang labing maigo sa maong krisis, diin gilauman nga mabati ang epekto niini sa suplay sa bugas pag-abot sa bulan sa Agosto hangtod sa Septyembre .
Gidugang pa nga dili angay mosalig sa pag-import og bugas gikan sa gawas sa nasud tungod kay susama ra usab kini nga nag-atubang og krisis.
Tungod niini, gipanawagan ang dinaliang pagpagawas sa mga resources alang sa mga bulan sa Mayo ug Hunyo aron mapangandaman ang tanom nga anihon sa Septiyembre ug Oktubre.
Kini nga lakang gikinahanglan aron malikayan ang mas grabe pa nga krisis sa pagkaon sa umaabot nga mga bulan.