Natala sa Texas ang usa ka talagsaong rekord human nagtinabangay ang tulo ka golf fans aron makahimo sa labing dako nga golf ball pyramid sa kalibutan.
Gipangulohan nila ni Michael Furrh, Debbie Reynolds, ug Terri Janak ang grupo sa mga boluntaryo sa pagtukod sa pyramid sa Benbrook Lake isip kabahin sa Benbrook Heritage Fest niadtong Septyembre 2025.
Ang nahuman nga istruktura gihimo gikan sa 19,019 ka golf balls, nga milabaw sa miaging rekord nga 17,575 balls nga gitukod ni Zachary Krivda sa Pennsylvania niadtong 2022.
Ang pyramid adunay 38 ka han-ay sa maampingong pagpatong sa mga bola. Hugot usab nga gidili ang paggamit og glue o bisan unsang materyal aron mapabilin ang mga bola sa ilang pwesto.
Samtang, gisiguro ang base sa pyramid pinaagi sa usa ka espesyal nga kahoy nga entablado nga gihimo alang sa maong proyekto.