Nagpalig-on pa sa ilang relasyon sa ekonomiya ang Philipinas ug New Zealand human mipirma sa usa ka bag-ong Joint Economic Commission o JEC agreement nga gilauman makapausbaw sa trade, investment, ug kooperasyon tali sa duha ka nasud.
Gipirmahan ang kasabutan ni Trade Secretary Cristina Roque ug New Zealand Minister for Trade and Investment Todd McClay atol sa 2026 APEC Ministers Responsible for Trade meeting sa China.
Sumala sa New Zealand Embassy sa Manila, ang maong kasabutan kabahin sa pagsaulog sa 60 ka tuig nga diplomatikong relasyon sa duha ka nasud ug nagtumong nga mapadako pa ang two-way trade ngadto sa 50 porsyento pagsaka sa tuig 2030.
Gilauman usab nga himuon ang unang miting ubos sa JEC arrangement sulod ning tuiga aron mas mapalig-on pa ang kooperasyon sa negosyo ug pagpamuhunan.