Nabisto pinaagi sa DNA testing ang usa ka talagsaon ug katingalahang medikal nga kaso sa Brazil human nasuta nga ang usa ka paresan sa kambal nga mga masuso adunay managlahing biological nga amahan. Sumala sa mga eksperto sa medisina, ang maong kondisyon nailhan isip Heteropaternal Superfecundation.
Kini nga talagsaong proseso mahitabo kung ang inahan makapagawas og duha ka managlahing egg cells sulod sa usa ka siklo sa pagregla (menstrual cycle), ug kini nga mga itlog na-fertilize sa semilya gikan sa duha ka managlahing lalaki sulod sa mubo nga latid sa panahon.
Bisan pa nga dungan nga gipanganak ug dako og kaparehas ang panagway sa mga bata, ang ilang genetic profile nagpamatuod nga tunga sa magsuon lamang sila o (half-siblings) sa bahin sa amahan.
Sa kasaysayan sa medisina, kini giisip nga “one-in-a-million” nga panghitabo ug nihit nga ma-dokumento sa tibuok kalibutan.