Mag-uuma nga wanted sa kasong attempted homicide, sikop sa Manolo Fortich, Bukidnon

Sikop sa mga otoridad ang usa ka 39-anyos nga mag-uuma nga dugay nang gipangita sa balaod tungod sa kasong attempted homicide didto sa Sitio Bunga, Barangay Ticala, Manolo Fortich, Bukidnon, niadtong Sabado sa hapon, Mayo 30. Giila ang dinakpan nga si Joseph Consal Duay, ulitawo ug lumulupyo sa maong dapit. Nasikop si Duay sa operasyon nga gikasa sa Manolo Fortich Municipal Police Station pinaagi sa gahum sa warrant of arrest nga gipagawas niadtong Mayo 26.

Gikompirma sa kapolisan nga naglaum og piyansa nga nagkantidad og P18,000 ang korte alang sa temporaryong kagawasan sa suspetsado, kinsa balhog na karon sa selda sa Manolo Fortich MPS samtang gihulat ang disposisyon sa iyang kaso.