Balhog karon sa selda sa kapolisan ang duha ka lalaki human madakpan sa gikasa nga buy-bust operation sa Purok 3, Barangay Lumbo, Valencia City, niadtong Sabado sa hapon, Mayo 30.
Sa report sa Valencia City Police Station, nasayran nga ang malampusong operasyon gipahigayon inabagan sa Bukidnon Provincial Police Office batok sa mga suspetsado nga nailang mga drug personalities sa maong dapit.
Nakumpiska gikan sa duha ang lima ka sachet sa gituohang shabu nga mitimbang og 12.1 gramos ug nagkantidad og P82,280. Lakip sa narekober ang buy-bust money, usa ka smartphone, ug usa ka motorsiklo nga gigamit sa ilang ilegal nga aktibidad.
Giandam na sa mga otoridad ang tukmang kasong paglapas sa Republic Act 9165 o Comprehensive Dangerous Drugs Act of 2002 batok sa mga dinakpan, samtang gipasa na ngadto sa Bukidnon Provincial Forensic Unit ang mga nakumpiskang ebidensya alang sa laboratory examination.