Subling gipasabot sa usa ka legal expert nga ang anti-political dynasty law hingpit nga gilatid sa konstitusyon sa nasud sa Pilipinas diin hugot nga gidili ang paglingkod sa katungdanan sa usa ka pamilya.
Apan gitumbok sa usa ka legal expert nga si Atty. Proculo Sarmen, ang posibilidad nga dili kini makalabang o mapatuman nunot sa nagkadaiyang rason o isyu nga giatubang sa maong balaod.
Matud pa niini, ang ang maong balaod dugay nang nilungtad apan wala ma-implementar gumikan nagkinahanglan pa kini og gitawag nga ‘Enabling Act’ diin kinahanglan magpasaka sa kongreso og anti-dynasty law.
Dugang pa sa abogado nga sulod sa tulo ka dekada wala kini mapasary gumikan sa daghang problemang nakakabit sa maong balaod. Gitumbok niini nga ang labing tinuod daghang pamilya ang maapektuhan sa natad sa politika nga anaa sa katungdanan.
Gisaysay usab niini ang kamahinungdanon sa anti-political dynasty law, diin taliwala sa mga nagsumpaki nga ideyolohiya, gihatahag bili niini ang limitasyon sa paglingkod sa mga public office ang magpamilya o paryente isip tubag sa gilatid sa konstitusyon nga equal opportunity for public service diin usa sa mga tumong sa maong balaod.