13 ka tawo, patay sa airstrike sa Israel sa Lebanon

Mukabat sa 13 ka tawo ang namatay tungod sa airstrikes sa Israel sa Lebanon, sumala sa Lebanese health ministry.

Lakip sa mga biktima ang upat ka babaye ug usa ka bata.

Sa Haboush sa Nabatieh district, duha ka babaye ug usa ka bata ang napatay, samtang upat pa ka tawo ang namatay sa Zrarieh sa Sidon district.

Bisan pa sa gipahamtang nga ceasefire tali sa Israel ug Hezbollah, nagpadayon gihapon ang panagbangi.

Ang inisyal nga 10 ka adlaw nga ceasefire gilugwayan pa, human sa negosasyon sa mga ambassadors sa Lebanon ug Israel sa Washington niadtong Abril 16.