- Advertisement -
Patay ang 28 anyos nga lalaki human maaksidente ang gimaneho niining motorsiklo sa National Road, Purok 1, Sitio Tal-uban, Barangay Basak, Talakag, Bukidnon, alas 10:26 sa buntag niadtong Oktubre 11, 2026.
Base sa imbestigasyon sa Talakag Municipal Police Station, gikan sa Marawi City paingon sa Cagayan de Oro City ang biktima dihang kalit kining nawad-an og kontrol sa motorsiklo sa paubos ug kurbadang bahin sa dalan, hinungdan nga nahulog kini sa kanal.
Gidala sa mga tigluwas sa Barangay Basak ang biktima ngadto sa Bukidnon Provincial Hospital sa Talakag, apan gideklarar kining dead on arrival sa doktor tungod sa daghang samad sa lawas nga naangkon.
- Advertisement -