Usa ka bag-ong makasaysayanong rekord ang natala sa Frerichs Farm sa Rhode Island human gitimbang ang usa ka higanteng kalabasa nga miabot og 3,156 pounds!
Ang maong talagsaong kalabasa gipatubo ni Ron Wallace gikan sa Greene, Rhode Island, kinsa nitala sa iyang ngalan isip unang tawo nga nakapatubo og kalabasa nga niabot sa 3,000 pounds.
Nabuak ni Wallace ang naunang rekord nga 2,856 pounds.
Napuno sa kalipay ug kasadya ang mga tawo nga nitan-aw ug sa opisyal nga pagtimbang, diin naghugyaw ang tanan sa dihang nigawas ang pinal nga timbang sa maong higanteng kalabasa.
Si Ron Wallace nagpadayon sa pagpakita sa iyang kahanas sa pagpananom og mga higanteng kalabasa, diin siya usab ang unang nakapatubo sa 1,500 ug 2,000 pounds nga timbang kaniadto.