Nagtuo si House prosecution spokesperson Rep. Terry Ridon nga dili angay ikonektar ang resulta sa survey sa ilang katungdanan nga pamatud-an ang mga alegasyon batok kang Vice President Sara Duterte, lakip ang giingong unexplained wealth, mga pagpanghulga, ug sayop nga paggamit sa confidential funds.
Matud niini, lahi ang hisgutanan sa pagpili sa sunod nga presidente ug ang pagdungog sa mga alegasyon batok kang Duterte.
Gipadayag ni House Prosecution Adviser Robert Ace Barbers nga dili survey ang magbuot sa mahimong desisyon sa impeachment trial ni Vice President Sara Duterte, kondili ang mga ebidensiyang gipresentar sa pagdungog.
Matud ni Barbers, kombinsido ang prosecution panel nga lig-on ug kasaligan ang ilang mga ebidensiya, bisan pa og wala kini makita sa mga survey nga nakapunting sa politika.
Dugang niini, importante nga masabtan sa publiko ang mga isyung gihisgutan sa impeachment proceedings, nga kinahanglan husayon base sa mga ebidensiya.
Samtang, gipahayag ni House prosecution spokesperson Rep. Ace Barbers nga dili niya makita ang koneksiyon sa pangutana ni Senator-judge Robin Padilla ngadto sa financial forensic analyst nga si Atty. Alexander “Alex” Cabrera bahin sa giingong pagkita nila ni Naga City Mayor Leni Robredo niadtong 2025, atol sa impeachment trial ni Vice President Sara Duterte.