Nagduso og tulo ka opisyal nga entri ang sikat nga Pinay girl group nga BINI alang sa gihan-ay nga 2027 Grammy Awards, lakip na ang mga kantang “Unang Kilig,” “A Parallel World,” ug ang ilang bid alang sa Best New Artist.
Gipasabot sa Recording Academy nga ang maong lakang kabahin pa lamang sa Online Entry Process aron usisahon ang ilang eligibility, ug wala pa kini nagpasabot nga opisyal na silang nominees. Subay sa proseso, ang tanang giduso nga mga kanta ipailalom sa pormal nga pagsusi sa komite sa dili pa kini ibotar sa mga voting members.
Nakatakdang ipahibalo ang opisyal nga lista sa mga nominado karong Nobyembre 16, samtang ang pormal nga awarding ceremony ipahigayon sa Los Angeles sa Pebrero 7, 2027. Nagpadayag usab og dakong suporta ug paglaum ang mga sumusunod ug netizens nga makab-ot sa grupo ang makasaysayanong pag-ila sa internasyonal nga entablado.