Pormal nang giila sa impeachment court ang pag withdraw sa House prosecution panel sa tulo sa upat ka articles of impeachment batok kang Vice President Sara Duterte, human ipagawas ni Presiding officer Chiz Escudero ang iyang ruling karong adlawa.
Sa iyang pahayag sa pagdungog, gikumpirma ni Escudero nga gidawat sa impeachment court ang manifestation sa prosekusyon nga dili na ipadayon ang Articles I, III ug IV sa impeachment case batok sa bise presidente.
Kini misunod sa pahayag ni House Lead Prosecutor Rep. Gerville Luistro nga Article II na lamang, nga naghisgot sa giingong dili maipasabot nga bahandi ni sa bise presidente o unexplained wealth, ang ipadayon sa prosekusyon.
Samtang, gisaway ni defense lead counsel Sheila Sison ang rason sa House prosecution panel sa pagbawi niini sa tulo sa upat ka articles of impeachment batok kang Vice President Sara Duterte, ug iyang gihulagway nga dili madawat ang mensaheng gipadala niini sa publiko.