Kapin 20 ka tawo naangol sa pagbuto didto sa amihanang bahin sa Israel

Dili usbos sa 20 ka tawo ang naangol sa usa ka pagbuto nga nahitabo sa Ramim Ridge sa amihanang bahin sa Israel karong Lunes, Oktubre 12.

Subay sa taho gikan sa Magen David Adom, ang emergency medical service sa Israel, paspas nga gipagawas ang ilang mga medikal nga team aron maghatag og dinalian nga pagtambal ug pagdala sa mga biktima ngadto sa pinakaduol nga mga pasilidad sa pagpanambal.

Sa kasamtangan, padayon nga gipahigayon sa mga awtoridad sa seguridad ang imbestigasyon aron matino ang gikanan ug matuod nga hinungdan sa maong pagbuto, samtang gilayon usab nga gipahigayon ang pagpahugot sa seguridad diha sa maong rehiyon.