Dismayado ang sektor sa transportasyon taliwala sa pagpatuman sa managlahing lihok sa presyo sa lana. Bisan pa mikunhod ang presyo sa pipila ka produktong petrolyo, giangkon sa usa ka drayber sa multicab nga si alyas “Bert” nga dawaton na lamang niini ang matag kausaban sa presyo gumikan wala silay mahimo niini ug kinahanglan gihapon silang manarbaho aron makakwarta.
Tungod niini, nanawagan sa gobyerno ang usa ka drayber nga hatagan og prayoridad ang pagpaubos sa presyo sa gasolina, bisan ginagmay lamang, aron makatabang sa mga drayber nga nag-atubang sa nagkadaiyang gasto sa ilang panginabuhian.
Matud pa sa drayber, dako og ikatabang ang bisan gamayng pagkunhod sa presyo sa gasolina, busa naglaom siyang hatagan kini og dakong pagtagad sa gobyerno.