Tulo ka drug syndicate, hugot nga gibantayan sa PDEA sa pagpayuhot og ilegal nga droga sa nasud

Padayon ang Philippine Drug Enforcement Agency (PDEA) sa pakigbatok sa ilegal nga droga pinaagi sa estratehiyang nagpunting sa pagsikop ug pagpasaka og kaso batok sa mga nalambigit niini.

Gibutyag ni PDEA Director General Undersecretary Isagani Nerez nga tulo na lamang ka drug syndicate ang ilang gibantayan nga misulay sa pagsulod og ilegal nga droga sa nasud.

Gipadayag usab niini nga taas ang conviction rate sa ilang mga kaso nga may kalabotan sa ilegal nga droga, nga wala magkinahanglan sa pagpatay sa mga nalambigit niini.

Matud ni Nerez, nalabwan usab nila ang mga nangaging administrasyon sa gidaghanon sa ilegal nga drogang nakumpiska, nga iyang giingong nagpakita sa pagkaepektibo sa ilang estratehiya.